പൊടി പിടിച്ച മനസിനടിയില്
ഇരുണ്ട പാറ
അതിനടിയില് ഉണങ്ങിയ ചോര
കല്ലിലൊരു ശില്പം കൊത്തി
താഴെ വീണുടഞ്ഞു പോയി
കടലാസിലൊരു പടം വരച്ചു
മഷി മറിഞ്ഞത് പടര്ന്നു പോയി
കാലത്തിന്റെ കണക്കു പുസ്തകം
വേഗത്തില് മറിഞ്ഞു പോയി
ഞാന് എന്നെ തിരിച്ചറിയുന്നു
വേര് പിടിക്കാത്ത ചെടി
വെറുതെ നട്ട് നനക്കുന്നു
ഒഴുകാത്ത പുഴയില്
കടലാസ് വള്ളമിറക്കി
മാനം നോക്കിയിരുപ്പായി
വരണ്ട ആകാശം
മറന്ന മനസ്സ്
ഞാന് എന്നെ തിരിച്ചറിയുന്നു